Cameron: la Gronda Britannia perda impurtanza tar in Brexit

En la Gronda Britannia èn il primminister David Cameron e l’adversari da l’UE Nigel Farage s’exprimids en ina debatta a la televisiun davart la votaziun dal Brexit.

Il primminister David Cameron durant la debatta a la televisiun.

Legenda da maletgs: Il primminister David Cameron durant la debatta a la televisiun. Keystone

Cameron ha ditg ch’el cumbattia per ina Gronda Britannia entaifer l’Uniun europeica, e betg per ina varianta d’ina Engalterra pitschna. Plinavant ha el exprimì sia tema che la Scozia pudess en cas d’ina sortida da l’UE puspè votar davart l’independenza.

Farage da la partida populara da la dretga UKIP ha rinfatschà a l’UE che quella tegnia sut curatella la Gronda Britannia. Ed el ha pretendì da limitar l’immigraziun e da controllar meglier ils cunfins.

Il suveran britannic decida ils 23 da zercladur sche lur pajais duai restar en l’UE u bandunar quella.

RR novitads 06:00