Siglir tar il cuntegn

Header

cuntegn

Exteriur California: Incendis da guaud furieschan

En il nord da la California han incendis da guaud stgatschà pliras milli persunas ord lur chasas.

Tenor ina communicaziun dals pumpiers han las flommas destruì 175 chasas en il district rural da Lake County en il nord da la metropola San Francisco.

Passa 1’600 pumpiers cumbattian sulettamain en questa regiun cunter las flommas. Il guvernatur da California, Jerry Brown, ha proclamà il stadi d'urgenza per duas regiuns. Uschia èsi pussaivel da mobilisar pli spert agid e daners per cumbatter ils incendis.

Dapi emnas èn ils pumpiers en acziun en la California che patescha d’ina perioda da sitgira. L’onn passà aveva tranter auter l’uschenumnà «Valley Fire» destruì passa 1’300 bajetgs en il lieu Lower Lake, en il nord da Nappa Valley, la regiun da viticultura enconuschenta. Quatter persunas eran mortas en las flommas.

RR novitads 07:00

Artitgels legids il pli savens