Siglir tar il cuntegn
Inhalt

Exteriur California – hackers per 9,5 e 15 onns en praschun

En ils Stadis Unids ston dus hackers ir en praschun pertge ch'els avevan sviluppà e derasà ina software che fa donn als computers.

In purtret simbolic cun in segn dad @ e chadainas.
Legenda: Praschun suenter criminalitad en la rait - Ina dretgira ha sentenzià 2 hackers per avair sviluppà e derasà la software Spy-Eye. Keystone

Ina dretgira ha sentenzià in Russ ch'aveva sviluppà la software a 9 onns e mez praschun. In Algerian ch'aveva derasà la software cun mails da spam sto ir 15 onns en praschun.

Tenor il ministeri da giustia american aveva la software Spy-Eye infectà passa 50 milliuns computers e chaschunà donns per circa ina milliarda dollars.

Cun questa software pudevan criminals engular datas da banca confidenzialas.

RR novitads 06:00