Avant il center da registraziun datiers dal «tschungla», sco il champ da Calais vegn era numnà, han oz a bun'ura gia plirs tschients fugitis spetgà. Ils fugitis duain vegnir interrogads, avant ch’els vegnan repartids en auters champs en Frantscha.
Las autoritads avevan annunzià da rumir il champ da fugitivs a Calais. Quai duaja durar in’emna. Actualmain vivan 6’500 fugitivs en il champ a Calais. La notg passada hai dà ulteriuras confruntaziuns tranter fugitivs e la polizia. Ils blers fugitivs vulan arrivar da la Frantscha en la Gronda Britannia.
RR novitads 10:00