Siglir tar il cuntegn
Inhalt

Exteriur Burkhalter è l'emprim Cusseglier federal che visita la Cuba

Al cumenzament da sia visita en la Cuba è il minister da l'exteriur da la Svizra, Didier Burkhalter sa scuntrà cun ses collega d'uffizi Bruno Eduardo Rodriguez. Burkhalter haja gratulà a Rodriguez da puspè reprender las relaziuns cun ils Stadis Unids, ha il pledader da Burkhalter annunzià.

Il minister da l'exteriur da la Svizra, Didier Burkhalter cun ses collega d'uffizi Bruno Eduardo Rodriguez.
Legenda: Il minister da l'exteriur da la Svizra, Didier Burkhalter cun ses collega d'uffizi Bruno Eduardo Rodriguez. Keystone

Burkhalter è l'emprim Cusseglier federal che visita la Cuba. Damai ch'ils Stadis Unids da l’America e la Cuba han suenter 54 onns puspè relaziuns diplomaticas, terminescha la Svizra ses servetschs da contact per ils dus pajais.