Bunamain 100 morts en il Jemen

Tar attatgas or da l'aria da la coaliziun manada da l'Arabia Saudita èn almain 95 persunas mortas en il Jemen. Tenor il ministeri da sanadad vala quai dumber per ils ultims 2 dis.

Processiun cun las unfrendas da las attatgas.

Legenda da maletgs: Las unfrendas vegnan purtadas da la massa durant la sepultura. Keystone

Ils aviuns da cumbat hajan bumbardà la chapitala Sanaa (57 morts) e la provinza Saada en il nord dal pajais (38 morts). Tier las unfrendas datti plinavant 130 blessads.

En il Jemen regia dapi mais ina guerra civila tranter ils rebels schiits Huthi ed ils partisans dal president sunnit Hadi. Hadi era fugì en l'Arabia Saudita. Ils rebels regian en bleras parts dal Jemen, avevan dentant pers il davos temp territori en il sid dal pajais.

RR novitads 17:00