Exteriur - Bulgaria serrà spazi aviatic per sgols d'agid russ vers la Siria
La Bulgaria ha serrà ses spazi aviatic per sgols d'agid russ vers la Siria. Tenor indicaziuns dal ministeri da l'exteriur dettia ferms dubis davart la rauba che vegnia transportada da la Russia.
Er la Grezia na vegnia betg pli sursgulada dals Russ, quai sin dumonda dals Stadis Unids.
Tenor ils Russ sa tracti dals sgols planisads d'agid umanitar. Ils Stadis Unids perencunter teman ch'i sa tracti d'agid militar per il reschim dal president sirian Baschar al-Assad. La Russia è in dals pli impurtants sco er in dals davos alliads da president al-Assad.
