Siglir tar il cuntegn

Exteriur Bulgaria: armada rinforza il cunfin

La Bulgaria vul proteger pli ferm ses cunfin, quai cun agid da l'armada. Uschia vul il pajais da l'UE impedir ch'i dat ina nova via per fugitivs suenter che la ruta dal Balcan è serrada.

Dus schuldads al cunfin cun la Tirchia.
Legenda: Il cunfin cun la Tirchia è 270 km lung e vegn gia protegì cun saivs en intgins lieus critics. Keystone

Tenor il schef da regenza Boiko Borissow duain 300 schuldads supplementars vegnir staziunads al cunfin. Mintgadi vegnian fin 100 persunas illegalmain sur il cunfin, uschia Borissow.

Il cunfin da la Bulgaria cun la Tirchia è 270 km lung e vegn gia protegì cun saivs en intgins lieus critics. Fin il zercladur duai questas saivs vegnir prolungadas sin totalmain 160 km.

RR novitads 20:00