Siglir tar il cuntegn
Inhalt

Exteriur Brüssel: Contractivas per in Brexit stagneschan

Avant che las contractivas dal Brexit vegnan cuntinuadas dovra quai per l’Uniun europeica anc dapli concessiuns davart la Gronda Britannia.

Theresa May duront ses pled a brüssel
Legenda: Theresa May sto enavant spetgar sin ina soluziun. Keystone

Perquai che la primministra Theresa May n’ha betg fatg concessiuns concretas vegn il Brexit pir ad esser uschè lunsch il december. Quai han ils 27 stadis restants da l’UE decis a Brüssel. La finamira da la Gronda Britannia è d’avair uschè svelt sco pussaivel ina cunvegna da commerzi cun l’UE.

Theresa May vul progress svelts

En ses pled a l’inscunter a Brüssel ha Theresa May appellà che tut las varts duain s’engaschar per in resultat. Ella vul progress svelts e clers tar ils discurs davart il Brexit.

La chanceliera tudestga Angela Merkel ha suttastritgà ch’ella fetschia ferm quint cun in success. Impurtant saja co che l’UE formuleschia il mandat per las tractativas davart las relaziuns futuras cun la Gronda Britannia. La balla na saja betg be tar ils Brits ma era tar l’UE.

RR novitads 15:00