Siglir tar il cuntegn
cuntegn

Exteriur Brexit – sclerir pli svelt las dumondas avertas

Ils discurs tranter l'Uniun europeica e la Gronda Britannia davart il Brexit duain avanzar pli svelt. Da quai avis èn la primministra britannica, Theresa May sco era il president da la cumissiun da l'UE, Jean Claude Junker.

Las bandieras da l'UE e da la Gronda Britannia.
Legenda: Junker e May vulan accelerar ils discurs davart il Brexit. Keystone

L'Uniun europeica e la Gronda Britannia vulan accelerar ils discurs davart il Brexit. Quai han communitgà il president da la cumissiun da l'UE, Jean Claude Junker e la primministra britannica, Theresa May suenter in inscunter a Brüssel.
La decleraziun communabla è vegnida mo paucs dis suenter che l'Uniun europeica aveva crititgà ina bloccada dals discurs. Ins saja d'accord che la sortida da la Gronda Britannia duaja succeder sco planisà il 2019. Oriundamain vulevan ils schefs da stadi e regenza gia cumenzar cun la segunda fasa da las tractativas a l'inscunter da proxima gievgia.

Qua vai per las relaziuns futuras, ina cunvegna da commerzi ed ina fasa transitorica. Oravant vul l'Uniun europeica dentant exnum sclerir las dumondas da separaziun – tranter auter las pretensiuns da milliardas envers la Gronda Britannia. Quai è fin uss betg gartegià. La UE spera da chattar ina cunvegna fin il december.

RR novitads 06:00