Ils 27 stadis da l’Uniun europeica beneventan las propostas dal president dal cussegl da l’UE Donald Tusk davart ils discurs da sortida cun la Gronda Britannia. Lur ministers da l’exteriur èn s’exprimids unanimamain per las directivas da Tusk. Quai ha communitgà il vice-schef da la regenza da Malta suenter in inscunter a Luxemburg.
Discurs en duas fasas
Concret prevesan questas directivas discurs davart il Brexit en duas fasas: Davart ina cunvegna da commerzi liber vul l’UE pir decider sche las cundiziuns per il Brexit èn cleras.
Il sboz sto anc vegnir suttascrit sonda dals schefs da stadi e da regenza da l'UE, hai num da Brüssel. Il plan da l'UE è da negoziar cun la Gronda Britannia en duas fasas. Davart las relaziuns futuras duai pir vegnir discutà, sch'i dat in svilup suffizient tar las dumondas dal Brexit.
RR novitads 20:00