Siglir tar il cuntegn

Header

cuntegn

Brexit Johnson preschenta plan per sortir

La regenza britannica vul danovmain trametter il parlament en ina pausa sfurzada per in'emna. Quai ha annunzià il biro dal primminister Boris Johnson.

Il primminister veglia che tut las sesidas dal parlament vegnian sistidas fin mardi proxim. Lura èsi planisà che la Queen prelegia il nov program da la regenza.

Questa pausa saja il pli curt temp pussaivel per pudair prender tut las mesiras necessarias per il pled, èsi vegnì communitgà a Londra.

Pir l'emna passada aveva la pli auta dretgira da la Gronda Britannia declerà la pausa dal parlament da tschintg emnas, che Johnson aveva ordinà sco illegala.

Al congress da sia partida conservatica ha Johnson plinavant declerà mardi ch'el insistia sin il termin dal Brexit dals 31 d'october e declerà che ses pajais sortia en il mender cas er senza cunvegna da l'Uniun europeica.

audio
Per tadlar curt e cumpact
ord Novitads dals 03.10.2019. Maletg: Keystone
laschar ir. Durada: 55 Secundas.

RR novitads 06:00

Artitgels legids il pli savens