Brev da confess davart enguladitsch da datas dals democrats

L'attatga da cyber sin la ils democrats para d'esser stada l'ovra d'ina singula persuna. La Russia na para betg dad esser responsabla.

Sedia dals democrats, USA.

Legenda da maletgs: L'attatga da hackers sin il quartier general dals democrats è stada l'ovra dad in singul hacker. Reuters

L'enguladitsch da datas tar ils democrats americans è l'ovra d'in sulet hacker. Betg involvida è la regenza russa – quai almain tenor ina brev da confess ch'è publitgada en l'internet sut il pseudonim «Guccifer 2.0». L'autenticitad da questa brev n'è però betg confermadad da vart uffiziala.

Mess vitiers a la brev eran maletgs da documents engulads. Tranter auter in rapport intern che tracta il candidat presidial dals Republicans, Donald Trump.

Il mardi aveva la partida democratica dà enconuschent l'enguladitsch. La partida e la firma da segirezza CrowdStrike avevan lura anc fatg responsabla la regenza russa per l'attatga. Lezza aveva refusà las renfatschas.

RR novitads 08:00