Brasilia scuvra nov scandal da corrupziun

En la Brasilia è vegnì scuvert in'ulteriura affera da corrupziun suenter il scandal da Petrobras. Pliras 10 firmas tranter quellas er concerns d'industria e bancas duain avair corrut funcziunaris da taglia, sco quai che la polizia communitgescha.

Plunas da daners da corrupziun sin ina maisa.

Legenda da maletgs: In terz da las passa 5 milliardas daners da corrupziun ha la polizia gia pudì cumprovar. Keystone

Ils daners sajan vegnids pajads per influenzar decisiuns da l'autoritad da taglia ch'ha l'ultim pled tar recurs cunter pajaments da chastì. Ils investigaders stiman ch'i saja vegnì pajà daners da corrupziun da passa 5 milliardas euros. In terz da questa summa saja gia vegnì cumprovà, uschia la polizia.

RR novitads 10:00