En la Brasilia perda la regenza transitorica in ulteriur minister aifer be in'emna. Il schef per il cumbat cunter la corrupziun Fabiano Silveira è sa retratg.
Gist ad el era vegnì renfatschà d'avair impedì inquisiziuns en in scandal da corrupziun. Pervi da las medemas renfatschas ... aveva gia il minister per la planisaziun Romero Juca demissiunà avant in'emna.
La crisa politica en Brasilia s'intensivescha cunquai. 3 emnas suenter la suspensiun da la presidenta Dilma Rousseff. Er ella è confruntada cun renfatschas da corrupziun.
RR novitads 06:00
