Las confusiuns en connex cun la relaschada da la presidenta brasiliana èn a fin. La procedura da relaschar la presidenta brasiliana Dilma Rousseff po cuntinuar sco planisà.
Il president transitoric dal parlament ha revocà sia decisiun da franar la procedura pervi da sbagls formals. Quai ha ditg Waldir Maranhao, il president transitoric dal parlament.Uschia po il senat anc decider quest’emna d’instradar la relaschada d’uffizi u betg. Tar in gea vegniss la presidenta suspendida per 3 mais.
A Rousseff vegn renfatschà dad avair finanzià illegalmain ses cumbat electoral dal 2014 e dad avair preschentà il budget meglier che quai ch'el saja stà en vardad.
RR novitads 21:00