Siglir tar il cuntegn

Header

Navigaziun

Politicher brasilian.
Legenda: Luiz Inácio Lula da Silva refusescha las renfatschas da la procura publica. Keystone
cuntegn

Exteriur Brasilia: Anteriur president avant dretgira

Luiz Inácio Lula da Silva sto sa responsar pervi da corrupziun e lavada da daners nairs.

Il derschader ha acceptà ils puncts d'accusaziun da la procura publica cunter il politicher da 70 onns. Tranter auter vai per ina rait da corrupziun enturn il concern d'ieli statal Petrobras. La procura publica renfatscha a Lula d'esser stà il «schefcumandant» da questa rait. Lula refusescha questas renfatschas e discurra d'ina campagna motivada politicamain. En il mender cas smanatscha a Lula in lung chasti d'arrest. El è stà president da la Brasilia ils onns 2003-2010.

Crisa politica

Il pajais sidamerican na chatta nagin ruaus. L'entschatta settember ha il parlament relaschà la successura da Lula, Dilma Rousseff. Er ad ella vegn renfatschà corrupziun e d'avair manipulà il budget. Almain fin las elecziuns presidialas il 2018 è l'anteriur vice-president Michel Temer a la testa dal stadi. El è gia vegnì saramentà.

...ed economica

La Brasilia sa chatta actualmain en la pli greva recessiun dapi ils onns 1930. La quota da dischoccupaziun muntava il fanadur 2016 a 11,6%. Il concern d'ieli statal Petrobras stat en il center dal pli grond scandal da corrupziun en il pajais. Petrobras duai avair surdà incumbensas sut cundiziuns memia charas a concerns da construcziun. Quels han da lur vart pajà daners da corrupziun a politichers e partidas – ch'han cun quests daners tranter auter finanzià lur cumbat electoral.

RR novitads 06:00