Siglir tar il cuntegn
Inhalt

Exteriur Bova cun bleras unfrendas en il sidvest da la China

Suenter grondas plievgias hai dà en il sidvest da la China inundaziuns e bovas. Pli che 140 persunas èn vegnidas sutterradas.

Gidanters tschertgan survivents suenter la bova en il sidvest da la China. Ins vesa ina surfatscha gronda cuvrida da crappa.
Legenda: Gidanters tschertgan survivents suenter la bova en il sidvest da la China. Keystone

Suenter ina gronda bova da la sonda a bun’ura èn tenor emprimas indicaziuns almain 141 persunas vegnidas sutterradas. La disgrazia è capitada en il cirquit Mao da la provinza Sichuan en il sidvest da la China. Il vitg Xinmo saja vegnì destruì cumplettamain. Sur plirs tschients meters quadrats haja crappa cuvrì tut las chasas.

Medemamain saja ina via vegnida sutterrada sin ina lunghezza da 1’600 meters. Era in flum saja vegnì cuvrì sur 2 kilometers cun crappa e glera. Chaschunà la bova ha ferma plievgia. Dapi emnas datti en la China ferma plievgia da stad che chaschuna mintg'onn inundaziuns e bovas.

RR novitads 12:00