Siglir tar il cuntegn
Inhalt

Exteriur Boutros Boutros-Ghali mort en la vegliadetgna da 93 onns

L'anteriur secretari general da las Naziuns Unidas Boutros Boutros-Ghali è mort en la vegliadetgna da 93 onns, quai communitgescha il cussegl da segirtad da las Naziuns Unidas a New York.

Boutros Boutros-Ghali
Legenda: Boutros Boutros-Ghali è stà secretari general da l'ONU dal 1992 enfin il 1996. Keystone

Il diplomat egipzian è stà secretari general da las Naziuns Unidas ils onns 1992 enfin 1996. El era il 6avel secretari general da l’ONU. El era succedi a Javier Pérez de Cuéllar dal Peru. Il successur da Boutros-Ghali è stà Kofi Annan dal Ghana.

En ses temp d'uffizi è tranter auter l'anteriura Jugoslavia dada da part, è capità il genocid en Ruanda e l'attatga militara da l'ONU en la guerra burgaisa en Somalia.

RR novitads 17:00