Exteriur - Boko Haram sforza da serrar millis scolas
Pervi da la violenza da la gruppaziun terroristica Boko Haram na pon passa in milliun uffants betg ir a scola en la Nigeria ed en plirs pajais vischins.
Passa 2’000 scolas en la Nigeria, il Camerun, il Tschad ed il Niger èn serradas. Quai communitgescha l'ovra d'agid d'uffants Unicef. Tschients scolas sajan vegnidas devastadas u donnegiadas. Perquai che Boko Haram attatga scolas restian blers uffants a chasa. Boko Haram è cunzunt activ en il nord da la Nigeria e vul eriger là in califat.
