Il decurs da las proximas emnas duai l'aviun dal tip Boein 737 Max survegnir in update da la software. Quest update vegnia sviluppà gia dapi che l'aviun dal medem tip era crudà giu la fin d'october da l'onn passà. Quai ha communitgà l'interpresa americana Boeing.
Concret giaja per in program che stabiliseschia il sgol. Mussia quel falladas datas, possia quai dar problems. Boeing ha però accentuà ch'ils pilots sajan adina capabels da sgular l'aviun manualmain. Cun optimalisar la software veglian ins meglierar la segirezza d'in aviun gia segir.
RR novitads 06:00