Blume nov schef da Porsche

Il constructur d'autos tudestg Porsche ha in nov schef. Sin Matthias Müller ch'ha midà tar VW suonda Oliver Blume. El è vegnì elegì dal cussegl d'administraziun.

Oliver Blume lavura gia dapi varga 20 onns tar il concern VW.

Legenda da maletgs: Oliver Blume lavura gia dapi varga 20 onns tar il concern VW. Keystone

Blume ch'ha 47 onns era fin ussa schef da producziun tar Porsche. El lavura gia dapi varga dus decennis en il concern da VW. Dapi il 2010 ha Porsche che tutga tar il concern da VW, bunamain dublegià la svieuta ed il dumber da persunal.

RR novitads 17:00