Bloccada da tren a l'Eurotunnel

Plirs 100 da passagiers èn stads bloccads sur uras en l' Eurotunnel. Quai pervi da fugitivs ch'èn raivids sin ils trens rapids per uschia cuntanscher la Gronda Britannia. Tenor il gestiunari d’Eurostar èn 5 trens stads pertutgads dals incaps.

L'entrada a l'Eurotunnel.

Legenda da maletgs: Adina puspè emprovan fugitivs da bandunar la Frantscha tras l'Eurotunnel. Keystone

Ils passagiers èn stads bloccadas durant bunamain 4 uras en il tren. Quai en cundiziuns senza glisch e chaliras adina pli grondas; l’electricitad era interrutta.

En la citad da port Calais spetgan il mument passa 3'000 fugitivs sut cundiziuns precaras da pudair cuntinuar cun lur viadi da la Frantscha en direcziun da la Gronda Britannia.

RR novitads 09:00