Blers commemoreschan las unfrendas da l’aviun crudà

Numerus carstgauns en la Germania ed en la Frantscha han commemorà ils 150 morts da la disgrazia d'aviun da la Germanwings.

Ina gruppa da persunas, davos in culm ennevà.

Legenda da maletgs: A Le Vernet sa rimnan indigens per commemorar las unfrendas da la disgrazia da l’aviun. Keystone

En la catedrala da la vischnanca franzosa Digne-les-Bains, ch'è datiers dal lieu da la disgrazia, èn sa radunads abitants da la regiun. Avant l'altar brischavan 150 chandailas.

Ed en las citads tudestgas Meerbusch e Wuppertal han tschients da persunas mussà lur cumpassiun cun ils confamigliars da las unfrendas. Ils confamigliars da lur vart han giavischà da las medias ruaus per pudair esser en cordoli.

RR Novitads 20:00