Siglir tar il cuntegn
cuntegn

Exteriur Bleras grevas blessuras, ma nagins morts en ils comics d' Asterix

Las figuras en ils comics d' Asterix na prendan betg bler resguard ina sin l'autra. I vegn savens pitgà e bastunà. Ina gruppa da chirurgs ha analisà las blessuras.

Pitgada d'Asterix ed Obelix.
Legenda: En ils comics d'Asterix survegnan surtut ils Romans magari ina pitgada. SRF

Tut ils comics enfin il 2012, en tut 34, ha ina gruppa da tschintg chirurgs da la Germania analisà. Els han prendì sut la marella scena per scena, maletg per maletg. Lura han els cataloghisà tut las blessuras.

704 blessuras

En tut han ils chirurgs chattà 704 blessuras. 390 giadas in trauma da la chavazza e dal tscharvè, 89 levas blessuras dal chau e 225 han sulettamain ina botta.

Dus fatgs èn crudads en egl als medis. Per l'ina n'hai mai dà in mort en ils differents comics, sulet blers blessads. Per l'autra han ils chirurgs vesì, che figuras cun chapellina han gì pli levas blessuras che quels senza chapellina.

RR actualitad 08:00