Blatter sa dosta, advocat dementescha

L'advocat da Sepp Blatter ha refusà las rinfatschas che l'anteriur president da la FIFA haja mess daners da la federaziun da ballape internaziunala FIFA en l'agen satg. Ils pajaments sajan stads schubers e fairs.

sepp blatter

Legenda da maletgs: Sepp Blatter sa dosta cun mauns e pes. Reuters

Sepp Blatter ha laschà communitgar ses advocat che ni el sez, ni l'anteriur secretari general Jèrôme Valcke, ni l'anteriur schef da finanzas Markus Kattner hajan prendì 79 milliuns francs da la FIFA. Quai mussia in'examinaziun interna, din ils advocats da la federaziun internaziunala.

Ils daners duain esser cullads en ils satgs dals top-funcziunaris cun augments da paja, bonus ed auters pajaments.I saja pia stà tut legal. Quai la reacziun dals inculpads suenter talas renfatschas.

RR novitads 08:00