Siglir tar il cuntegn
cuntegn

Exteriur Blatter, Platini è ussa era Makudi suspendì

Suenter Sepp Blatter e Michel Platini ha la La FIFA suspendì in ulteriur anteriur funcziunari da la FIFA: Worawi Makudi. Era el è suspendì per 90 dis da tut las activitads da la federaziun internaziunala da ballape.

purtret morawi makud
Legenda: L'anteriur commember dal comité executiv da la FIFA Morawi Makudi da la Tailanda sto era tremblar. Keystone

La cumissiun d'etica da la federaziun internaziunala da ballalpe FIFA ha suspendì il president da la federaziun tailandaisa Worawi Makudi. Ad el vegn renfatschà d'avair cuntrafatg al code d'etica da la FIFA. La raschun concreta na vul la cumissiun però betg numnar avant la sentenzia definitiva. Las investigaziuns cunter Makudi continueschan.

Funcziunari sentenzià pervi da sfalsificaziun da documents

Makudi è stà commember dal comité executiv da la FIFA fin il matg. Il fanadur è el vegnì sentenzià dad ina dretgira a Bangkok ad 1 onn e 4 mais cundiziunà. Là pervi da sfalsificaziun da documents uffizials. Makudi era gia pliras giadas vegnì inculpà da d'esser corrupt e d'avair defraudà daners.

Era Blatter, Valcke e Platini èn suspendids

L'emna passada aveva la cumissiun d'etica gia suspendì per 90 dis il president da la FIFA Sepp Blatter, il president da la UEFA Michel Platini ed il secretari general da la FIFA Jérôme Valcke.

RR novitads 17:00