Bility na dastga betg candidar sco president da la FIFA

Il president da la federaziun libanaisa da ballape, Musa Hassan Bility na dastga betg candidar sco nov president da la FIFA. Quai ha decidì la curt penala per sport a Losanna. Ella sustegn uschia la decisiun dal comité d'elecziun da la FIFA.

Musa Hassan Bility.

Legenda da maletgs: Musa Hassan Bility. Keystone

Lez aveva argumentà ch'il funcziunaro n'haja betg dumagnà il check d'integritad. Bility aveva fatg recurs cunter questa decisiun.

Quai vul dir ch'anc 5 persunas pon candidar: Prinzi Ali bin al-Hussein da la Jordania, il secretari general da l'UEFA, Gianni Infantino, il Franzos Jérôme Champagne, il schef da la federaziun asiatica Salman bin Ibrahim al-Khalifa e Tokyo Sexwale da l'Africa dal Sid.

RR novitads 18:00