Big Ben tascha per 4 onns

Punct l'ina ha il Big Ben, il clutger renumà da Londra u il zenn grond, dà per l'ultima giada las uras. Ussa sforzan las lavurs da renovaziun vid il Tower d'Elisabeth ch'il zenn da 13,7 tonnas sto restar quiet.

vista sin il Big Ben, il clutger marcant da Londra

Legenda da maletgs: Il monument istoric da Londra vegn renovà, uschia na dat il tutgiez betg las uras. Keystone

L'emprim avevi num ch'il tutgiez vegn interrut durant quatter onns. Sco quai ch'il parlament britannic ha communitgà duai il zenn tutgar sulet tar occurrenzas spezialas sco Bumaun. Suenter il protest da plirs parlamentaris ha la primministra Theresa May intervegnì uschia che la chombra dals deputads s'occupa anc ina giada il settember cun il tutgiez dal Big Ben. Per quellas persunas che na pon betg spetgar fin ch'il tutgiez dat puspè, datti qua sut la pussaivladad da tadlar adina puspè il zenn da la tur d'Elisabet.

RR novitads 14:00

Big Ben è atgnamain in zenn

Big Ben è il num dal grond dals tschintg zenns. Tar la populaziun vegn l'entira tur da 96 meters autezza titulada Big Ben.