Siglir tar il cuntegn
cuntegn

Exteriur Biennala d'art a Venezia

A la Biennala d’art a Venezia è Franz Erhard Walther da la Germania vegnì undrà sco meglier artist. Quai ha communitgà la giuria da la Biennala.

La Biennala d’art è vegnida organisada per la 57avla giada.
Legenda: La Biennala d’art è vegnida organisada per la 57avla giada. Keystone
L'artist Franz Erhard Walther.
Legenda: L'artist Franz Erhard Walther è naschì l'onn 1939 a Fulda (Germania). Keystone

La Germania ha gudagnà ils dus premis principalas da la Biennala d'art a Venezia. Franz Erhard Walther da Fulda è vegnì undrà sco meglier artist. L’artist conceptual da 77 onns è in dals artists ils pli influents da sia generaziun en Germania.

Ed il pavigliun da la Germania, che l'artista Anne Imhof da Frankfurt ha creà, ha gudagnà il «Liun d'aur» sco meglra contribuziun naziunala.

57avla Biennala d'art

La Biennala d’art è ina da las exposiziuns las pli impurtantas da l’art contemporan ed è vegnida organisada per la 57avla giada. Fin ils 26 da november vegni fatg quint cun in mez milliun visitaders. L'exposiziun principala sut il titel «Viva Arte Viva» curatescha Christine Macel da la Frantscha.

Var 120 artistas ed artis da 51 pajais mussan lur ovras. Sper l'exposiziun principala preschentan pli che 80 pavigliuns naziunals las contribuziuns da lur pajais.

Il pavigliun da la Svizra è vegnì avert venderdi da cusseglier federal Alain Berset. Curatà è vegnì la contribuziun «Women of Venice», che renviescha sin Alberto Giacometti, da Philipp Kaiser.

RR novitads 14:00