Bielorussia vul intermediar tranter Russia e Tirchia

En la dispita tranter la Russia e la Tirchia vul la Bielorussia intermediar. Dapi che la Tirchia aveva sajettà giu in aviun da l'armada russa, aveva la Russia prendì pliras mesiras cunter la Tirchia.

Wladimir Makej

Legenda da maletgs: Il minister da l'exteriur bieloruss, Wladimir Makej, spera che l'Uniun europeica onureschia las stenetas da la Bielor... Reuters

Sancziuns na sajan betg il med adattà per schliar conflicts, ha ditg il minister da l'exteriur da la Belorussia, Wladimir Makej, en la televisiun statala. La Bielorussia aveva gia intermedià en il conflict en l'Ucraina da l'ost. Quai cun ils discurs d'intermediaziun a Minsk.

Tenor l'agentura russa Interfax spera il primminister bieloruss che l'Uniun europeica schlucchia bainglaiti las sancziuns cunter la Bielorussia. L'uniun ha mess 170 persunas bielorussas sin la glista da persunas che na dastgan betg vegnir en l'Europa. La Bielorussia cun ses president Alexander Lukaschenko vala sco reschim autoritar.

RR novitads 14:00