Siglir tar il cuntegn
Inhalt

Exteriur Betsy DeVos confermada satiglischem

Il senat american ha confermà en l'uffizi la ministra da furmaziun proponida dal president Donald Trump. Suenter in pari da vuschs ha il vicepresident Mike Pence dà la vusch decisiva per Betsy DeVos.

purtret da Betsy DeVos
Legenda: Betsy DeVos è per armas en scolas per sa defender cunter urs. Keystone

L'elecziun en il senat è ida a fin cun 50 vuschs pro e 50 vuschs contra la milliardaria dispitaivla. Pence ha lura fatg diever da ses dretg da sa participar a l'elecziun. Igl è l'emprima giada en l'istorgia americana ch'in commember dal cabinet vegn elegì cun agid d'ina tala intervenziun dal vizepresident.

DeVos sezza ha mai visità ina scola publica ed ha mai lavurà en il sistem da furmaziun. Dapi onns s'engascha ella per ch'ils geniturs survegnan dapli libertad d'eleger sez la scola. Er carstgauns cun paucas finanzas duain survegnir la pussaivladad che lur uffants pon frequentar ina scola privata.

RR novitads 21:00