Betg savì ch’i era daners da corrupziun

La transacziun da 10 milliuns dollars da la FIFA sin il conto da Jack Warner duai il secretari general da la FIFA Jèrome Valcke avair fatg. Quai scriva la New York Times.

Logo FIFA, umbriva d'in um

Legenda da maletgs: Tut na pon ins er betg savair tar la FIFA. Il secretari general da la FIFA Jèrome Valcke ha pajà 10 milliuns dollars... Keystone

Tenor ils investigaders sajan quests 10 milliuns dollars vegnids pajads da Valcke il 2008, ma el na savevi betg che quests daners sajan daners da corrupziun.

Jack Warner anteriur vice-president da la FIFA e president da la CONCACAF l’associaziun da ballape americana è vegni accusà pervi da corrupziun, lavar daners e criminalitad organisada.

Las autoritads dals Stadis unids han dumandà uffizial la Confederaziun per extradiziun da Warner en ils Stadis unids.

RR novitads 07.00