Siglir tar il cuntegn

Header

cuntegn

Exteriur Benoît Hamon candidat dals socialists franzos

Ils socialists franzos han elegì Benoît Hamon sco candidat per il presidi franzos.

L'anteriur minister da furmaziun ha gudagnà l'elecziun decisiva cunter ses concurrent Manuel Valls l'anteriur primminister franzos. En tut ha Hamon fatg 58,68% da las vuschs. L’anteriur primminister Valls vegn sin 41,35%.

Hamon vala sco politicher cun ina clera tendenza sanestra. Valls ha gratulà a Hamon è annunzià da vulair sustegnair el.

Plirs candidats gia conuschents

Dasper ils socialists han era gia ils conservativs elegì in candidat per il presidi. Tar ils conservativs aveva fatg la cursa l’anteriur schef da regenza François Fillon. El vala dasper la candidata dal Front National Marine LePen sco grond favurit da daventar president franzos. Era anc candidar vegn l’independent Emmanuel Macron era ad el dattan ils experts ina tscherta schanza. Benoît Hamon ha dentant sulet schanzas marginals da vegnir elegì.

Las elecziuns han lieu ils 23 d’avrigl.

RR novitads 06:00

Artitgels legids il pli savens