Belgia fa controllas al cunfin cun la Frantscha

Quai malgrà la cunvegna da Schengen. La raschun è che las autoritats beltgas fan quitads che fugitivs dal champ a Calais en Frantscha pudessan arrivar en il pajais.

Fugitivs sin ina via a Calais, Frantscha.

Legenda da maletgs: La Belgia tema che fugitivs pudessian en l'avegnir empruvar d'arrivar da la Belgia en la Gronda Britannia. Reuters

La Belgia introducescha las controllas al cunfin cun la Frantscha. La regenza veglia uschia impedir che fugitivs e migrants da Calais arrivan en la Belgia, ha ditg il minister da l'intern Jan Jambon.

Las autoritads franzosas a Calais avevan annunzià da vulair rumir il champ da fugitivs. La Belgia haja gia infurmà la cumissiun da l'UE ch'i dettia ad interim controllas, malgrà la cunvegna da Schengen.

RR novitads 10:00