Siglir tar il cuntegn

Exteriur Belgia arrestescha terrorists suspectads

La polizia da la Belgia ha arrestà duas persunas che vegnan suspectadas d'avair gì planisà acts terroristics.

Schuldads da la Belgia en la citad da Brüssel.
Legenda: Era suenter Nadal marcan schuldads preschientscha a Brüssel. Reuters

Tenor la procura publica haja quai dà plans per attentats en plirs lieus a Brüssel, la chapitala da la Belgia, tuts la notg da Silvester. Quatter ulteriuras persunas arrestadas sajan dentant puspè libras.

Enten intercurir pliras chasas hajan ins chattà material da propaganda da l'organisaziun terroristica Stadi Islamic. Armas n'hajan ins dentant chattà naginas.

RR novitads 11.00