Siglir tar il cuntegn

Header

Dus policists
Legenda: Las 4 persunas che la polizia ha arrestà duain avair recrutà cumbattants per la guerra civila en Siria. Keystone
cuntegn

Exteriur Belgia arrestescha cumbattants per guerra civila en Siria

En Belgia ha la polizia arrestà 4 persunas tar ina razzia cunter cumbattants per la guerra civila en Siria.

Las persunas arrestadas duain avair recrutà cumbattants per la guerra civila, communitgescha la procura publica generala a Brüssel.

Tar las 22 perquisiziuns al cunfin tar l'Ollanda saja plinavant vegnì segirà armas e material explosiv. Las razzias na stattan tenor la procura publica betg en connex cun las acziuns d'anti-terror d'avant duas emnas en Belgia. Lura aveva la polizia sajettà giu 2 islamists probabels.

(RR novitads a las 12:00)