Bayer cumpra Monsanto

Bayer ha offerì 66 milliardas dollars a Monsanto. Il matg passà aveva Bayer fatg amogna 62 milliardas dollars. Quai era vegnì taxà sco memia pauc da la vart da Monsanto.

Logo dal concern da chemia Bayer sur logo da Monsanto

Legenda da maletgs: Bayer ha offerì 66 milliardas dollars a Monsanto. Keystone

Bayer, in concern da chemia da la Germania surpiglia pia il concern d'agrochemia american Monsanto. Quai è la pli gronda cumpra ch'ina interpresa tudestga ha fatg enfin ussa. Bayer è gia uss in dals pli gronds producents da products fitosanitars e da semenza. L'entira branscha è il mument dentant en moviment. Dacurt ha Chamchina cumprà l'interpresa svizra da semenza Syngenta.

RR novitads 14:00