Il motiv per il plant sajan las perditas dal curs d’aczias tar il fond da pensiun. Quellas stettian en connex direct cun il scandal da svapur, communitgescha il minister da finanzas da la Bavaria Markus Söder. La Bavaria haja er in'obligaziun envers ses emploiads. I sa tractia d’ina summa da 700'000 euros, ha ditg Söder. Il stadi da la Bavaria è uschia l’emprim stadi tudestg ch’annunzia d’accusar il concern da VW.
L’atun passà aveva il concern da VW stuì conceder d’avair manipulà ils sistems da svapur dals autos da diesel cun ina speziala software.
RR novitads 14:00