Siglir tar il cuntegn
cuntegn

Exteriur Barcelona: Demonstrants cumbattan cunter separatissem

A Barcelona han la dumengia millis persunas demonstrà per l'unitad da la Spagna e cunter il separatissem da la Catalugna.

Demonstraziuns Barcelona.
Legenda: Radund 15'000 persunas han demonstrà cunter il separatissem. Keystone

Tenor stimaziuns da la polizia han radund 15'000 persunas demonstrà la dumengia a Barcelona. La raschun: els èn cunter il separatissem da la Catalugna e per l'unitad da la Spagna. Cun demonstrar han els vulan els cumbatter per «la libertad, l'unitad, la convivenza ed il progress da la Catalugna tras la Spagna e l'Europa.» Ins stoppia metter ina fin a «la schletta sgnocca dal separatissem», uschia ils organisaturs. Sin bandieras han ins pudì leger: «Nus essan e restain Spagnols.»

I sa tracta da l'emprima manifestaziun gronda da l'uschenumnada campagna «Tabarnia», ina plattafurma che crititgescha il moviment d'independenza da la Catalugna a moda umoristica.

Tarbania

Il num sa cumpona da las citads Tarragona e Barcelona, en quellas ch'ils separatists n'han betg chattà la maioritad tar il referendum d'independenza il prim d'october 2017.

RR novitads 17:00