Siglir tar il cuntegn

Header

cuntegn

Exteriur Barack Obama preschenta ses candidat per il «Supreme Court»

Tenor la veglia dal president dals Stadis Unids duai il moderà Merrick Garland succeder al conservativ Antonin Scalia ch'è mort avant passa in mais surprendentamain. Ils republicans vulan dentant che pir il proxim president decidia en chaussa.

Il president dals Stadis Unids Barack Obama ha nominà ses candidat per il post vacant al «Supreme Court», il tribunal suprem dals Stadis Unids. Il giurist Merrick Garland duaja succeder al derschader federal barmier Antonin Scalia che valeva sco fitg conservativ.

Garland è il mument derschader a la dretgira d'appellaziun a Washington e vala sco moderà.

Sin il candidat spetga però in grond obstachel, perquai che l'ultim pled ha il senat. E quel vegn dominà dals republicans. Impurtants republicans pretendan che pir il successur dad president Obama duaja decider davart il post vacant.

RR novitads 18:00

Artitgels legids il pli savens