Siglir tar il cuntegn
Inhalt

Exteriur Bannon banduna la Chas'alva

Il schef-strateg dispitaivel dal president american Donald Trump, Steve Bannon, remetta ses uffizi. Ordavant avevan medias americanas rapportà, ch'il president haja confidà quai a plirs da ses cussegliaders.

Steve Bannon.
Legenda: Steve Bannon stat gia dapi pli ditg en la critica. Schebain el è vegnì spedì, n'è betg cler. Keystone

Schebain Trump ha spedì Bannon n'è l'emprim betg vegnì communitgà. Il stretg confident dal president stat dapi pli ditg en la critica. L'um da 63 onns vala sco represchentant vehement da la politica d'economia naziunalistica da Trump.

Bannon vegn dapi in temp suspectà d'avair dà vinavant a las medias detagls confidents da la Chas'alva. Tar ses contrahents interns tutgan tranter auter il schender da Trump, Jared Kushner u er il cussegliader d'economia Gary Cohn. Bannon vala ensemen cun Stephen Miller sco architect da la strategia dal president «America First».

RR novitads 20:00