Siglir tar il cuntegn

Exteriur «Banana Joe» Bud Spencer - in sguard enavos

El è stà in preferì dal public. Ensemen cun ses cumpogn Terence Hill ha'l fascinà pitschen e grond. Glindesdi è l'actur da film talian Bud Spencer mort, rapporta l'agentura da novitads taliana Ansa.

Legende: Audio «Bud Spencer è per mai ina legenda» abspielen. Laufzeit 4:15 Minuten.
4:15 min, Actualitad dals 28.06.2016.

L'actur da film talian Carlo Pedersoli alias Bud Spencer è mort ier. El aveva 86 onns.

Davent dal partenari congenial Terence Hill fin tar «Banana Joe»

Bud Spencer è vegnì enconuschent cun numerusas cumedias d'acziun e western. Sia carriera da film ha cumenzà per propi cun ils 2 films da western «Die rechte und die linke Hand des Teufels» (1969) e «Vier Fäuste für ein Halleluja» (1971)

El ha giugà en quests films ensemen cun ses cumpogn Terence Hill. Spencer e Hill èn dapi lura stà in duo che gieva simplamain a prà.

Ed ils 2 talians han mussà ch’i pon era persvader en films che n’èn betg da western. «Zwei wie Pech und Schwefel» (1973), «Zwei ausser Rand und Band » (1977) u «Zwei bärenstarke Typen» (1983) èn mo trais da numerus films, nua ch’els èn stads partenaris congenials.

Fin la mort da Bud Spencer èn els stads buns amis. Ad ina gasetta taliana ha Terence Hill ditg, ch’el haja pers ses meglier ami.

Jau hai pers mes meglier ami.
Autur: Terence Hill

Bud Spencer ha dentant era produci numerus films senza Terence Hill. Sco quai ch'el ha ditg dacurt è «Banana Joe» (1981) adina stà ses film preferì. Tar quest film ha Spencer è scrit ina part dal script.

Sadadas e spruhs marcants.

Guardar in film da Bud Spencer è la perfetga occupaziun per ina dumengia da plievgia. Bud Spencer, in chaugross, da pulita postura e fermezza, ma tuttina era ina persuna da bun cor. Questa rolla ha el quasi giugà en tut ses films. Tuttina sch’el giugava in scherif, in bandit u in agent. Ditg auter: Bud Spencer scheva gugent discurrer ses pugns per el.

Bud Spencer vid nudar
Legenda: Sco emprim ha Bud Spencer fatg ina carriera sco nudader. Keystone

El è era stà in fitg bun nudader

Avant che Bud Spencer è sa tschentads en il business da film era el fatg carriera sco nudader. Els onns 50 era il giuven Pedersoli stà pliras giadas campiun talian. El ha perfin fatg part tar gieus olimpics durant quai temps.

Ma en memoria resta el grazia a ses films. Sias sadadas e ses spruhs vegnan a restar nunemblidaivels.

RR novitads