Siglir tar il cuntegn

Header

Navigaziun

Las dus locomotivas destruidas.
Legenda: Nagin sbagl vi da las 2 locomotivas - quai dì in insider a l'agentura da novitads Reuters. Keystone
cuntegn

Exteriur Bad Aibling – nagin sbagl vi da locomotivas

Dus dis suenter la collisiun frontala da dus trens regiunals en la Baviera excludan ils investigaders in sbagl tecnic vid las locomotivas. Quai ha ditg in insider a l’agentura da novitads Reuters.

L'analisa da las duas blackboxes mussia il mument che la tecnica dals dus trens saja stada en urden, ha la persuna raquintà vinavant.

Avert resta sch'i sa tracta d'in sbagl da tecnica vid las rodaias u disdir uman. Ina cumissiun speziala cun 50 persunas lavura vi da las investigaziuns.

Tenor la polizia pudess’igl ir anc emnas, fin che l’analisa è terminada.

flurs e candelas avant la chasa communala dal lieu en baviera Sura.
Legenda: Comemoraziun a Bad Aibling - flurs e candelas avant la chasa communala dal lieu en baviera Sura. Keystone

Blers blessads han gia pudì bandundar ils ospidals

Tar la collisiun frontala da mardi eran mortas 10 persunas. Passa 80 persunas èn vegnidas blessadas. Tar las 21 persunas grevamain blessadas saja tenor indicaziuns da la polizia ina èn privel da vita. Er intginas autras sajan anc èn stadi critic.

Bleras persunas hajan dentant gia pudì bandunar ils ospitals.

Al lieu da la disgrazia lavuran las maschinas grevas

Al schoc causa la disgrazia mortala seguan uss las lavurs da rumida. Cun maschinas grevas provan las forzas da salvament, da survegnir liber il traject e da recuperar la terza blackbox.

RR novitads 15:00