Bad Aibling: L’accident da tren era in sbagl uman

La raschun per la disgrazia da tren a Bad Aibling en Germania è in sbagl uman, tenor las retschertgas dals investigaders era il manader da servetsch da transport responsabel per il grev accident da tren. Quai conferma la procura publica ad ina conferenza da medias.

Bleras persunas avant il tren disgrezià.

Legenda da maletgs: La collisiun dals dus trens è stada ils 9 da favrer. Keystone

Cunter il manader dal servetsch da transport saja vegnì instradà ina procedura d’inquisiziun, conferma il procuratur general tar la conferenza da medias.

La disgrazia da tren ils 9 da favrer ha custà la vita a 11 persunas e passa 80 persunas en vegnidas blessadas per part grevamain.

Il manader dal servetsch da transport ha dà perditga suenter ch’el aveva l’emprim anc refusa da dar pled e fatg. Sur dal cuntegn da las indicaziuns ha la procura publica betg fatg. Il manader dal servetsch da transport aveva laschà passar omadus trens sin il binari simpel, uschia ch’ils trens eran collidads frontalmain.

L’um da 39 onns cun experientscha sur blers onns vegn accusà pervi da mazzament intenziunà, blessura corporala e d’avair intervegnì a moda privlusa en il traffic da viafier. «Sche quest um avess agì correct na fiss quai betg vegnì tar l’accident», ha ditg il procuratur public.

RR novitads 15:00