Siglir tar il cuntegn
Inhalt

Exteriur Bad Aibling: Il manader dal traffic giugava cun ses telefonin

Il manader dal servetsch da transport accusà pervi da la disgrazia da tren a Bad Aibling è en arrest d'inquisiziun. Tenor la procura publica haja el giugà in gieu sin ses telefonin fin curt avant la collisiun dals dus trens regiunals.

Lieu da disgrazia a Bad Aibling.
Legenda: Ils 9 da favrer eran 2 trens regiunals collidads frontalmain. Keystone

I saja da supponer che l'um era distract ed haja uschia dà ils fauss signals als dus locomotivists, uschia il procuratur. L’accusà haja concedì d’avair giugà cun ses telefonin, però refusà d’esser stà distract.

A l'um vegnì entant betg mo rinfatschà d'avair desditg il mument, mabain er d'avair violà grevamain sia obligaziun. Ordavant era vegnì rinfatschà a l'um da 39 onns d'avair dà liber il vial per dus trens a medem temp. Pli tard haja el anc dà in fauss signal d'avertiment via func.

L'entschatta favrer eran dus trens collidads frontalmain a Bad Aibling. 11 persunas èn mortas e passa 80 èn vegnidas blessadas.

RR novitads 20:00