Siglir tar il cuntegn

Header

Navigaziun

In pulizist cun la terza blackbox
Legenda: In pulizist cun la terza blackbox - ella è vegnida chattada en las ruinas dals 2 trens. Keystone
cuntegn

Exteriur Bad Aibling – chattada l’ultima blackbox

Suenter la disgrazia da tren datiers da Bad Aibling en la Baviera Sura ha ins chattà en las ruinas dals trens la terza blackbox. Ils investigaders speran sin ulteriuras infurmaziuns davart la causa da l'accident.

Il cuntegn da las autras 2 blackboxes vegn evaluà actualmain, ha ditg ina pledadra da la polizia. «Nus duvrain anc daplirs tocs da puzzle per pudair metter ensemen tut il purtret», ha ella infurmà.

I na saja anc betg cler, sch’i sa tractia dad in sbagl uman u dad in tecnic u dad ina cumbinaziun dals facturs. Sin las blackboxes vegnan registradas las datas da mintga viadi dal tren.

Las rumidas sin il lieu da la disgrazia cuntinueschan

Sin il lieu da l’accident vegn rumi vinavant. Cun la lavurs vegn cuntinuà fin oz en per la saira. Damaun duajan vegnir transportads davent tocs pli pitschens. Suenter ch’ils binaris èn refatgs datti in viadi da test, avant ch’il traject vegn puspè dà liber per il traffic regular.

Tar ils blessdas datti anc adina persunas en stadi critic

Tar l'accident da mardi eran dus trens regiunals collidads frontalmain. Pertge che quai è capità n'è anc betg cler. 11 persunas èn mortas. Dals blessads èn anc adina blers en in stadi critic.

RR novitads 15:00