Siglir tar il cuntegn

Header

cuntegn

Exteriur Aviuns da cumbat americans F-22 en l’Europa da l’ost

Ils Stadis Unids da l’America vegnan bainprest a staziunar aviuns da cumbat dal tip F-22 en l’Europa.

Il motiv saja il conflict en l’Ucraina, ha ditg la manadra da las forzas aviaticas americanas Deborah James. Da quant blers dals aviuns topmoderns ch’i sa tracta e nua che quels vegnan staziunads, n’è betg enconuschent.

Quests aviuns d’armada fan part d’ina strategia pli vasta per sustegnair ils pajais da la NATO en l’Europa da l’ost. Tenor James fan las activitads militaras da la Russia en l’Ucraina vinavant grond quità.

Ils pajais da la NATO en l’Europa da l’ost èn inquietads fermamain da la Russia. La Russia sezza refusa inculpaziuns, ch’ella sustegnia cun meds militars ils separatists en l’Ucraina da l’ost.

RR Novitads 08:00

Artitgels legids il pli savens