Siglir tar il cuntegn

Exteriur Aviun russ è probabel vegni sajettà sur la Siria

L'aviun da cumbat da la Russia che la Tirchia ha sajettà giu è vegnì tutgà en il spazi d'aria da la Siria, quai tenor ina stimaziun dals Stadis Unids. L'aviun militar saja stà curt en il spazi d'aria da la Tirchia, là na saja el però betg vegnì tutgà. Quest giudicament sa basa sin datas da chalur.

cuntrada da guaud, entamez in nivel da fim, là è in aviun crudà giu
Legenda: Il lieu nua che l'aviun russ sajettà giu è crudà giu. Keystone

Quai sustegness la critica dal president russ Wladimir Putin che pretenda che l'aviun è vegnì sajettà giu sur la Siria. La Tirchia na saja mai stada periclitada ha ditg Putin.

Tenor la Tirchia, in pajais da la NATO, saja il pilot da l'aviun vegnì admonì pliras giadas. L'aviun n'haja dentant betg midà ses curs.

Entant ha il president american Barack Obama telefonà cun il president tirc Recep Tayyip Erdogan. Els sajan omadus dal maini che la situaziun stoppia vegnir deescalada e ch'i na dastgia mai pli dar insatge uschia.

RR novitads 06:00