Siglir tar il cuntegn
cuntegn

Exteriur Aviun pitschen croda giu datiers da Innsbruck

Datiers da Puntina/Innsbruck en l’Austria è in aviun pitschen ord la Svizra crudà giu, duas persunas sajan mortas. L’identitad da las persunas saja dentant anc betg enconuschenta, scrivan las agenturas da novitads.

Purtret da l'eroplan che giascha giun plaun.
Legenda: L'eroplan è crudà giu datiers da Puntina/Innsbruck. Keystone

L’aviun era para atterrà sin la plazza aviatica da Puntina/Innsbruck, scriva la polizia. Suenter avair tancà da nov l’aviun pareva tut en urden, ma la maschina ha alura pers autezza ed è crudada giu.

Che l’aviun vegniva or da la Svizra na veglia betg dir che las persunas a bord avevan era la naziunalitad svizra. Il departament federal d'affars exteriurs ha confermà sin dumonda da l'agentura da novitads svizra, ch'els sajan vid sclerir il cas. L'ambassada a Vienna stettia en stretg contact cun las autoritads localas.

RR novitads 16:00